დილიდან ბენზინი ისევ გაძვირდა. ლარის კურსი კი ეცემა და ეცემა…

დილიდან ბენზინი ისევ გაძვირდა. ფასებმა ყველა ტიპის საწვავზე 5-5 თეთრით მოიმატა და ღირებულების რეკორდულ ნიშნულს მიაღწია. 

ბოლო სამი დრის მანძილზე  ზოგიერთი საწვავის საფასური 15-20 თეთრით არის მომატებული, ზოგიერთი – 5 თეთრით.

რეგულარი ტიპის საწვავის ფასი „გალფის“ ქსელში 2.54 ლარი გახდა, „სოკარ პეტროლეუმ ჯორჯიას“ ქსელში – 2.53 ლარი, „რომპეტროლის“ ქსელში – 2.54 ლარი, „ვისოლის ქსელში“ – 2.59 ლარი.

მოსახლეობის ნაწილი ბენზინის ფასის გაძვირებას ხელოვნურს უწოდებს და აცხადებს, რომ ფასების ზრდა ერთეული ადამიანების სასარგებლოდ ხდება.

გაძვირება ფიქსირდება როგორც ბრენდირებულ, ასევე არაბრენდირებულ სადგურებზე.

საერთაშორისო ბაზარზე ბარელის ფასი მნიშვნელოვნად არ ძვირდება, ამიტომ ნავთობ-იმპორტიორები და ექსპერტები ფასების მატებას ნავთობ-იმპორტიორები ეროვნული ვალუტის ბოლოდროინდელი გაუფასურებით ხსნიან და ფასების ზრდას მომავალშიც აანონსებენ

შეგახსენებთ, რომ ეროვნული ვალუტა მხოლოდ ბოლო 24 საათის განმავლობაში 4 თეთრით გაუფასურდა.