სრულად სახელმწიფოს გამარჯვებით დასრულებულია დავა,”-ეს განცხადება რამდენიმე წუთის წინ, იუსტიციის მინისტრმა, თეა წულუკიანმა საგანგებო ბრიფინგზე გააკეთა.

მისი თქმით “რუსთავი 2”-ის საქმეზე სტრასბურგის გადაწყვეტილების მხოლოდ ერთი ნაწილიარ ექვემდებარება გასაჩივრებას – შეჩერების ღონისძიების გაუქმება. 

„სრულად სახელმწიფოს გამარჯვებით დასრულებულია დავა. 7 მოსამართლისგან შემდგარმა პალატამ გადაწყვიტა შემდეგი: ერთხმად დაადგინამ რომ აღარ არსებობს  2017 წლის მარტში გამოყენებული შეჩერების ღონისძიების მიზანშეწონილება და ის არის მოხსნილი. დაუშვებლად სცნო სრულად “რუსთავი 2”-ის ყველა სასარჩელო მოთხოვნა. დაუშვებლად სცნო როგორც დაუსაბუთებელი ძმები, ყარამანაშვილების და “TV საქართველოს” საჩივარი საკუთრების უფლებასთან დაკავშირებით. ერთხმად დაადგინა, რომ არ დარღვეულა ძმები ყარამანიშვილებისადა “TV საქართველოს” სამართლიანი სასამართლოს უფლება, რაც უკავშირდება ნინო გვენეტაძეს. ამ საქმეზე არ არსებობს საჩივრის განხილვის აუცილებლობა,“-განაცხადა თეა წულუკიანმა.

ახალი მესაკუთრე გადაწყვეტს, როდის შევა ძალაში აღსრულება – აცხადებს იუსტიციის მინისტრი, თეა წულუკიანი “რუსთავი 2”-ის საქმეზე სტრასბურგის სასამართლოს გადაწყვეტილების სეფასებისას. 

მისი თქმით, მხარეებს შეუძლიათ დიდ პალატაში გაასაჩივრონ მხოლოდ საქმის არსებითი ნაწილი.,რომელზეც სტრასბურგის სასამართლოში გადაწყვეტილება 6 ხმით ერთის წინააღმდეგ არის მიღებული.

“გადაწყვეტილება, როგორც შეჩერების, ასევე შეჩერების მოხსნის არ ექვემდებარება გასაჩივრებას. ის დღეიდან არის ძალაში. ჩვენ მხარეები, თუკი რამეს გავასაჩივრებთ, ეს იქნება მხოლოდ და მხოლოდ ექვსი ხმით ერთის წინააღმდეგ მიღებული გადაწყვეტილება, რომელიც არსებითი გადაწყვეტილებაა. სხვა აქ სადაო არაფერი ჩანს.

“მხარე ასაჩივრებს ამისთვის აქვს ექვსი თვის ვადა, თუმცა დიდი პალატის მიერ გასაჩივრებული საქმის განხილვა ავტომატური არ არის, შუაში არსებობს ფილტრაციის კოლეგია, რომელიც  ან დაუშვებს საქმეს განსახილველად, დიდ პალატაში ან არ დაუშვებს, გახსოვთ რომ ასე გავასაჩივრეთ პალატის გადაწყვეტილება საქმეზე ვანო მერაბიშვილის საქმეზე.