ამ წუთებში   გაერთიანებული ოპოზიციის ერთერთი ლიდერი გრიგოლ ვაშაძე 20-21 ივნისის მოვლენებთან დაკავშირებით, მაგისტრატი მოსამართლის თანდასწრებით თბილისის საქალაქო სასამართლოში მოწმის სტატუსით დაკითხვაზე იმყოფება.

„მოწმის სტატუსი შეიცვალოს ბრალდებულის სტატუსით? დღევანდელ საქართველოში ყველაფერი შესაძლებელია, არავითარი პრობლემა არ მაქვს. წანარად ველოდები, გინდა ბრალდებული ვიყო, გინდა – მოწმე” – ასე უპასუხა მან გამოკითხვაზე შესვლამდე ჟურნალისტების კითხვას, რამდენად შესაძლებელია, რომ 20-21 ივნისის საქმეზე მისი მოწმის სტატუსი ბრალდებულის სტატუსით შეიცვალოს.

,,ყველაფრის მოლოდინი მაქვს იმიტომ, რომ პროკურატურამაც და ე.წ. ხელისუფლებამაც პირველივე წუთიდან განაცხადეს, რომ გამოძიება საქმეს იქით წაიყვანს, თითქოს სახელმწიფო გადატრიალების მცდელობა იყო და თითქოს ბატონმა გახარიამ და მისმა კოლეგებმა ქვეყანას საშინელი საფრთხე ააცილეს.

20-21 ივნისის ამბავში ჩვენ ყველა აბსოლუტურად მართალი ვართ, განსაკუთრებით მას შემდეგ, რაც საქართველოს ისტორიაში წყალგამყოფი გაჩნდა ჩვენი ახალგაზრდების სახით, რომლებმაც ჯანმრთელობა დაკარგეს დ ამათი სიცოცხლეც კი საფრთხის ქვეშ იყო,“ – განაცხადა ვაშაძემ.