ქობულეთში, სანაპიროზე დაკარგული 3 წლის გოგონა ნაპოვნია. მაშველებმა იგი უვნებლად დაუბრუნეს მშობლებს

0
600

„ქობულეთში, სეზონურ მაშველებს, რომლებიც საგუშაგოზე მორიგეობდნენ, მოქალაქემ 3 წლის ბავშვის დაკარგვის შესახებ მიმართა. მშობლის განცხადებით, ბავშვი სანაპირო ზოლზე გაუჩინარდა და მის პოვნას ვერ ახერხებდნენ.

მაშველები დასახმარებლად დაუყონებლივ გავიდნენ, ასევე, ინფორმაცია გადაეცა მახლობლად მყოფ ყველა სამაშველო საგუშაგოს და დაახლოებით ნახევარსაათიანი საძიებო სამუშაოების შემდეგ, ბავშვი გაუჩინარების ადგილიდან დაახლოებით 2 კილომეტრის მოშორებით იპოვეს. პატარა თავს კარგად გრძნობს და მის სიცოცხლეს და ჯანმრთელობას საფრთხე არ ემუქრება

„საძიებო სამუშაოებში მონაწილეობდნენ შინაგან საქმეთა სამინისტროს საგანგებო სიტუაციების მართვის სამსახურის სეზონური მაშველები და დამატებითი სამაშველო ჯგუფი. ადგილზე მობილიზებული იყო ყველა შესაბამისი სამსახური“, – ნათქვამია შინაგან საქმეთა სამინისტროს საგანგებო სიტუაციების მართვის სამსახურის მიერ გავრცელებულ ინფორმაციაში.

წინა სტატია“ნებისმიერ გადაწყვეტილებას, რომელიც იქნება მიღებული სტრასბურგის სასამართლოს მიერ, პატივს ვცემ” – ბიძინა ივანიშვილი
შემდეგი სტატიაოპოზიცია ლავროვის განცხადებას და ხელისუფლების დუმილს ეხმაურება
ტელეკომპანია ოდიშის საინფორმაციო სამსახური