“ევროპული საქართველოში” წარმოუდგენელს უწოდებენ მათი მხრიდან ივანიშვილთან რაიმე სახის კოალიციაში ყოფნას.

 ,,ივანიშვილის შიშს ფართო თველები აქვს. ის რა თქმა უნდა, ხვდება, რომ მისი ხელისუფლება დასასრულს უახლოვდება და ამიტომ აცახადებ, რომ მზად არის კოალიცია შეკრას ნებისმიერ სხვა პარტიასთან ნაციონალური მოძრაობის გარდა. ამ განცხადებით, ბიძინა ივანიშვილი ფაქტობრივად ადასტურებს, რომ 2020 წლისთვის “ქართულ ოცნებას” უმრავლესობის მოპოვება გაუჭირდება. ” – აცხადებს ირაკლი აბესაძე.

რაც შეეხება ევროპული საქართველოს პოზიციას ივანიშვილის კოალიციასთან მიმართებაში, ირაკლი აბესაძე აცხდებს , რომ ,,წარმოუდგენელია, “ევროპულმა საქართველომ” და რომელიმე პროევროპულმა ოპოზიციამ საკუთარი თავი კოალიციაში დაინახოს ივანიშვილთან და “ქართულ ოცნებასთან”, არა მხოლოდ იმ გასული 7 წლის გამო, რომლის განმავლობაშიც ეს ქვეყანა ძალიან მძიმე პოლიტიკურ, ეკონომიკურ ჩიხში შეიყვანა, არამედ მიმდინარე პროცესების გამო, როდესაც ის გმირად სთავაზობს საზოგადოებას გახარიას, რომელმაც ახალგაზრდებს თვალი დასთხარა, გმირად სთავაზობს საზოგადოებას მურუსიძეს და სასამართლოს კლანს, რომელმაც დაასამარეს მართლმსაჯულება ქვეყანაში და მთლიანად მოწოდებულია საკუთარი პირადი ეკონომიკური თუ პოლიტიკური ინტერესების რეალიზაციაზე ქვეყანაში. ”

შეგახსენებთ, ჟურმალისტებმა “ქართული ოცნების” თავმჯდომარეს ჰკითხეს, გამორიცხავს თუ არა პოლიტიკურ პარტიებთან თანამშრომლობას, რაზეც ივანიშვილმა თქვა, რომ ენმ-ს გარდა, ყველასთან თანამშრომლობა შეიძლება.