მერაბ ქვარაია- “ვლაქერნობის უქმედ გამოცხადებაზე ვიმსჯელებთ”

0
637

ზუგდიდისა და ცაიშის მიტროპოლიტის, მეუფე გერასიმეს ინიციატივას – ვლაქერნობის უქმედ გამოცხადების შესახებ, ზუგდიდის მაჟორიტარი დეპუტატი მერაბ ქვარაია ეხმიანება. დეპუტატის თქმით, ამბობს, საკითხზე ახალი შრომის კოდექსის ფარგლებში იმსჯელებენ.

“მეუფის ეს განცხადება არის მეტად საყურადღებო და ის გამომდინარეობს როგორც რელიგიური მოსაზრებიდან, ასევე პრაქტიკული საჭიროებიდან. ძალიან ბევრი ადამიანი, სურვილის მიუხედავად, ვერ ახერხებს ჩამოსვლას ზუგდიდში ვლაქერნობის დღესასწაულზე. საჭიროა ამ საკითხის საფუძვლიანად გააზრება. ამ ეტაპზე საქართველოს პარლამენტში მიმდინარეობს მუშაობა ახალ შრომის კოდექსზე. ჩვენ ამ პროცესის ფარგლებში ვიმსჯელებთ უქმე დღეებთან დაკავშირებით, მათ შორის, შესაძლებელია, განვიხილოთ ევროპული პრაქტიკა თვითმმართველობის ფარგლებში უქმე დღის ჩანაცვლების შესახებ. ერთია, რომ საქართველო გამოირჩევა უქმე დღეების სიმრავლის, მეორეა ის, რომ საჭიროა ამ უქმე დღეების ხელახალი გადააზრება. ვფიქრობ ამ კონტექსში დროული იქნება აღნიშნული საკითხის განხილვა და გადაწყვეტა”, – აღნიშნა ქვარაიამ. 

წინა სტატიაანაკლიაში მეგრული ფოლკლორის საერთაშორისო ფესტივალი “კოლხი და” გაიმართა
შემდეგი სტატიამშენებლობაზე დაღუპული მუშა 16 წლის მოზარდია
ტელეკომპანია ოდიშის საინფორმაციო სამსახური