ოკუპირებულ აფხაზეთში, გვიან ღამით, მილან და ზურაბ ფანცულაიები მძევლად აიყვანეს. დე ფაქტო შინაგან საქმეთა მინისტრმა გარი არშბამ განაცხადა, რომ ღამით, დაახლოებით 11 საათზე, სოხუმში, ცეცხლი გაჩნდა სახლში, სადაც ფანცულაიების ოჯახი ცხოვრობს,ასევე 01:40 საათზე შეტყობინება შევიდა, რომ ქალაქ ტყვარჩელში, ფანცულაიების კუთვნილ სახლში ხანძარია, რომლის ლიკვიდირებაც მოხერხდა, „გაირკვა, რომ ფანცულაიები მოკლული კვიცინიას ნათესავებს ჰყავთ დაკავებული. გზები გადაკეტილი იყო. თუმცა, სამწუხაროდ, გატარებულმა ღონისძიებებმა შედეგები, ჯერჯერობით, ვერ მოგვცა“, – განაცხადა გარი არშბამ. პრეზიდენტმა რაულ ხაჯინბამ მოითხოვა, რომ სამართალდამცავმა ორგანოებმა გააძლიერონ მუშაობა ამ მიმართულებით,-იუწყება ინტერნეტგამოცემა“აფსადგილ ინფო“. აინარ კვიცინია, 12 ივლისს სოხუმის ცენტრში მოკლეს,დაიჭრა, ასევე ლეონ კვიცინიაც. პრეზიდენტმა რაულ ხაჯინბამ უშიშროების საბჭოს სხდომა 15-16 ივლისს, მომხდარ ფაქტთან დაკავშირებით გამართა.