ზუგდიდში, სტიქაროსნებმა და სავარაუდოდ ვლაქერნობაზე ჩამოსული მეუფე შიოს დაცვის წევრებმა “რუსთავი 2-ის” ჟურნალისტს გადაღებისა და შეკითხვების დასმის საშუალება არ მისცეს. ერთმა მათგანმა, სავარაუდოდ მეუფე შიოს დაცვის წევრმა მას მიკროფონის წართმევა დაუპირა , დაემუქრა, რომ მიკროფონს დაუმტვრევდა და ხელიც ჰკრა. ეს ადამიანები აგრესიულად ექცეოდნენ სხვა მედიასაშუალებების წარმომადგენლებსაც და განსაკუთრებით უხეშობდნენ მათ მიმართ, ვინც ამ ინცინდენტის დაფიქსირებას ცდილობდნენ.
კათოლიკოს პატრიარქის, ილია მეორის თანამოსაყდრემ და სენაკისა და ჩხოროწყუს მიტროპოლიტმა შიო მუჯირმა ვლაქერნობის წირვის შემდეგ ჟურნალისტების შეკითხვებს არ უპასუხა. ის სტიქაროსნებმა ტერიტორიას განარიდეს.
მეუფე შიოსთან კითხვები ჰქონდა მედიას დავით გარეჯზე, სხალთის ეპისკოპოსის, სპირიდონის ქადაგებას, მიმართულს ვლადიმირ პუტინის და მისი პოლიტიკის მხარდაჭერაზე , სადაც ის ამბობს, რომ რუსეთის ლიდერის პოლიტიკა ევროკავშირის “ცოდვილი” პოლიტიკის მთავარი მოწინააღმდეგეა, და ღმერთს პუტინის შენდობას სთხოვს.
დღევანდელ ვლაქერნობას ცენტრალური ხელისუფლების წარმომადგენლები არ დასწრებიან. განსხვავებით სხვა წლებისგან, როცა ზუგდიდში საგანგებოდ ჩამოდიოდნენ პრემიერ-მინიტრი და მთავრობის სხვა წევრები