დღეს საქალაქო სასამართლოში „ნაციონალური მოძრაობის“ ერთ-ერთ ლიდერს, ხატია დეკანოიძეს გამოკითხავენ.
დეკანოიძე გამოძიების შეკითხვებს მაგისტრი მოსამართლის თანდასწრებით უპასუხებს. ხატია დეკანოიძე სხდომის გახსნის შუამდგომლობის დაყენებას გეგმავს, რომ საზოგადოებისთვის მნიშვნელოვან შეკითხვებს საჯაროდ უპასუხოს.
მაგისტრი მოსამართლის თანდასწრებით გამოკითხეს გუშინ საღამოს გუბაზ სანიკიძე.
ოპოზიციის ლიდერები, ხატია დეკანოიძე, გუბაზ სანიკიძე, ირაკლი ღლონტი და ბაჩუკი ქარდავა შინაგან საქმეთა სამინისტრომ გამოკითხვაზე გუშინ დაიბარა. ისინი სისხლის სამართლის კოდექსის 225-ე მუხლით მიმდინარე გამოძიების ფარგლებში მოწმის სტატუსით არიან დაბარებულები, რაც ჯგუფური ძალადობის ორგანიზებას, ხელმძღვანელობას ან მასში მონაწილეობას გულისხმობს.