“ოდიშის” გადამღებ ჯგუფს ზუგდიდში აქციის მონაწილეები დაუპირისპირდენენ. ზვიად განსახურდიას ძეგლთან შეკრებილები არიან საქართველოს პირველი პრეზიდეტის ზვიად გამსახურდიას მომხრეები, ასევე ყოფილი მეომრები, საზოგადოება “ზუგდიდელი”. აქციის მონაწილეები განსაკუთრებული აგრესიიით გამოირჩეოდნენ “ოდიშის” გადამღები ჯგუფის მიმართ, ისინი ითხოვდნენ რუსთავი 2-ისა და “ოდიშის” მიკროფონები არ ყოფილიყო აქციაზე, ადგილზე მუშაობის უფლებას უზღუდავდნენ ჟურნალისტს, რომელსაც არ აძლევდნენ ფოტო და ვიდეოგადაღების საშუალებას. “არ მოხვიდეთ, არ გადაიღოთ, არც რუსთავი გვჭირდება და არც ოდიში, თქვენც იმათი შვილობილი ხართ, მასპინძელს თუ არ უნდა სტუმარი, ის სტუმარი იქ გაჩერდება? ხოდა არ გვჭირდება თქვენნაირი სტუმარი”- ამ სიტყვებით მიმართეს აქციის მონაწილეებმა “ოდიშის” ჟურნალისტს. აქცია ზვიად გამსახურდიას ძეგლთან იმართება მოთხოვნით – შეწყდეს თბილისში ახალგაზრდების ანტისაოკუპაციო აქციები და არ გადადგეს შსს მინისტრი გიორგი გახარია.”იქ შეიძლება 1000 კაცი დგას, ვინც ითხოვს გახარიას გადადგომას, მაგრამ 20 000 მომხრეა მისი, თავიდან კარგად დაიწყო, მერე ნაციონალებმა გადაიყვანეს სხვა რელსებზე”- განაცხადა აქციის ერთ-ერთმა მონაწილემ, აფხაზეთის განათლების სამინისტროს თანამშრომელმა რამინ საჯაიამ.