კალიფორნიაში მიწისძვრა განმეორდა , ამჯერად რყევების სიმძლავრემ 7.1 მაგნიტუდა შეადგინა, რაც თითქმის ერთი ბალით აღემატება 4 ივლისს მომხდარი მიწისძვრის სიმძლავრეს -. 6.4 მაგნიტუდას
ლოს-ანჯელესის სახანძრო განყოფილების ინფორმაციით, მიწისძვრის შედეგად არავინ დაღუპულა. არის ინფორმაცია დაშავებულების, ასევე ხანძრების შესახებ.
სპეციალისტები ამბობენ, რომ ამ სიმძლავრის რყევები ბოლო 25 წლის მანძილზე არ ყოფილა.
მიწისძვრის ეპიცენტრი ლოს-ანჯელესიდან დაახლოებით 240 კილომეტრში იყო.
სეისმოლოგები არ გამორიცხავენ, რომ რყევები კვლავ გაგრძელდეს.