ფაროსანას რაოდენობა წელს მნიშვნელოვნად შემცირებულია – აცხადებენ სურსათის ეროვნულ სააგენტოში

0
507

სურსათის ეროვნული სააგენტოს ინფორმაციით, ფაროსანას რაოდენობა წელს მნიშვნელოვნად შემცირებულია. უწყებაში აღნიშნავენ, რომ ამას ამბობს მოსახლეობა, რომელსაც მონიტორინგის მიზნით ხვდებიან.

“მავნებელთან ბრძოლის პროცესი სახელმწიფო პროგრამით დადგენილი გეგმის შესაბამისად მიმდინარეობს. სოფლების ტერიტორიები თერმული ნისლის ტექნოლოგიით, საყანე ფართობები კი ცივი შესხურებით მუშავდება, ტყისპირა პერიმეტრებზე მონტაჟდება “მოიზიდე და გაანადგურე” სადგურები, მონიტორინგის მიზნით მიმდინარეობს ფერომონების განთავსება. დასავლეთ საქართველოს ყველა რეგიონში მობილიზებულია და მუშაობს სპეციალიზებული ტექნიკა”, – ამბობენ სურსათის ეროვნულ სააგენტოში.

მათივე ინფორმაციით, ფუტკრის დაცვის მიზნით, ღონისძიებები მეფუტკრე ფერმერებთან კოორდინირებულად იგეგმება.

ამასთან, უწყებაში აღნიშნავენ, რომ შექმნილია მოსახლეობის ინფორმირების სისტემა – parosana.ge

წინა სტატია,,გაიცანით 92 წითელარმიელიდან ერთ- ერთი,, – ახალგაზრდებმა მერაბ ქვარაიას ბიუროსთან სტენსილი გააკრეს [Video]
შემდეგი სტატიატრაქტორი, რომლითაც ბიძას პატარა ძმისშვილები მდინარეზე საბანაოდ მიჰყავდა, გადაბრუნდა
ტელეკომპანია ოდიშის საინფორმაციო სამსახური