ზუგდიდის მე-5 საჯარო სკოლისთვის ეროვნული მოძრაობის ლიდერის, ზურაბ ჭავჭავაძის სახელის მინიჭების მოთხოვნა სადაო გახდა. მე-3 სკოლის კურსდამთავრებულთა მხრიდან გამოითქვა პრეტენზიები. მათი თქმით, ზურაბ ჭავჭავაძის სახელი უკვე ჰქვია მათ სკოლას.
თუმცა განათლების რესურსცენტრის თანამშრომლის, მიხეილ ჭკადუას თქმით, მე-3 სკოლას ზურაბ ჭავჭავაძის სახელი უკვე აღარ ქვია.
„ზურაბ ჭავჭავაძის სახელი ერქვა საშუალო სკოლას, თუმცა ამ ეტაპზე ეს სახელი არცერთ სკოლას არ ჰქვია. დაზუსტებული ინფორმაცია არ მაქვს, მაგრამ ვიცი, რომ ამ სკოლისთვის ზვიად გამსახურდიას სახელის დარქმევა უნდათ“, – ამბობს მიხეილ ჭკადუა
საკრებულომ ერთხმად დაუჭირა მხარი გადაწყვეტიელბას, რომლის თანახმადაც ისინი სკოლას განათლების სამინისტროსთან სახელის მინიჭების თაობაზე შუამდგომლობას დააყენებენ