„, თუ ჰგონიათ, რომ ამ გადაკვალიფიცირებით ვინმეს შეაშინებენ, ძალიან ცდებიან, ხელისუფლება ვერაფერს ვერ მიაღწევს “ – აცხადებს პარლამენტის ფრაქცია „ნაციონალური მოძრაობის“ წევრი, კობა ნაყოფია საგამოძიებო უწყების მიერ გუშინ გაკეთებულ განცხადებას ეხმაურება, რომელმაც 20-21 ივნისის ღამის მოვლენების საქმეს ამბოხების ორგანიზების მუხლით იძიებს.

კობა ნაყოფიას შეფასებით, ხელისუფლება თავის ბრალეულობის ოპოზიციაზე გადაბრალებას გეგმავს, რასაც ვერ მიაღწევს.

„რა ამბოხებაზეა საუბარი, ჩვენ ჩავსვით ან ოპოზიციის ლიდერებმა ან ოპოზიციურმა პარტიამ რომელიმემ გავრილოვი პარლამენტის თავმჯდომარის სავარძელში და ამას ამზადებდნენ ოპოზიციური პარტიები, რაც საქართველოში ხდებოდა 20 ივნისს, როდესაც პარლამენტის შენობა, პრაქტიკულად, ააღებინეს ვინმე გავრილოვს. ამის შემდეგ საუბარი რაღაც ამბოხებაზე და წინასწარ ამბოხების მომზადებაზე სასაცილოა, სატირალი, რომ არ იყოს. ამით ხელისუფლება ვერაფერს ვერ მიაღწევს, თუ ჰგონიათ, რომ ამ გადაკვალიფიცირებით ვინმეს შეაშინებენ, ძალიან ცდებიან,“ – განაცხადა კობა ნაყოფიამ.

შეგახსენებთ, ჯგუფური ძალადობისთვის აქციის 4 მონაწილეა დაკავებული. ამის პარალელურად კი, პროკურატურა ამბოხების ორგანიზებასაც იძიებს, რა შემთხვევაშიც ძიების ინტერესი ოპოზიციის ლიდერები არიან