აშშ-ის კალიფორნიის შტატის სამხრეთ ნაწილში მძლავრი, 6.4 მაგნიტუდის მიწისძვრა დაფიქსირდა. ეპიცენტრი ლოს ანჯელესიდან 240 კილომეტრში მდებარე ქალაქ რიჯკრესტთან იყო. ძლიერი მიწისქვეშა ბიძგები იგრძნობოდა ლას-ვეგასსა და ლონგ ბიჩშიც.

მიწისძვრის შედეგად დაიზანდა სახლები. ეპიცენტრთან გაჩენილ ხანძარს ამ დრომდე ებრძვიან.

მიწისძვრას განმეორებითი ბიძგებიც მოჰყვა. მსუბუქად დაშავდა რამდენიმე ადამიანი. სეისმოლოგები არ გამორიცხავენ, რომ ბიძგები შეიძლება კიდევ განმეორდეს.

ადგილობრივი ხელისუფლების თქმით მიწისძვრის გამო ცუნამის საშიშროება არ არის.

აშშ-ის პრეზიდენტმა დონალდ ტრამპმა საკუთარ ტვიტერზე დაწერა, რომ სიტუაცია კონტროლის ქვეშაა.

გაზეთ Los Angeles Times -ის ცნობით, ეს ყველაძე ძლიერი მიწისძვრაა კალიფორნიაში 1994 წლის მიწისძვრის შემდეგ – მაშინ მიწისძვრის მაგნიტუდა 6,7 იყო და დიდი ნგრევა და 60 ადამიანის დაღუპვა მოყვა.