„აეროფლოტმა“ და „ურალის ავიახაზებმა“ პრაღაში, ხოლო ავიაკომპანია „პობედამ“ – კარლოვი ვარში დაგეგმილი რეისები გააუქმეს. რუსული ავიაკომპანიების ინფორმაციით, ამის მიზეზი ჩეხეთის ხელისუფლების გადაწყვეტილება გახდა, რომელმაც შესაბამისი ნებართვები უკან გაიწვია.

ჩეხეთის ავიაციის ხელმძღვანელობა ჯერჯერობით არ აკეთებს კომენტარებს თუ რატომ შეუჩერა საფრენი ნებართვები რუსული ავიაკომპანიებს

რუსული მედიის ცნობით კი, „აეროფლოტს“ და „ურალის ავიახაზებს“ ჩეხეთში ფრენა Czech Airlines-თან უთანხმოების გამო შეუჩერდათ. ჩეხურ კომპანია ტრანსსიბირის ტრასის გამოყენება და ციმბირის გავლით სეულში ფრენების განხორციელება სურდა, რაზეც უარი მიიღო. 

რუსული ავიაკომპანიები აცხადებენ, რომ  ამ მიმართულებებით ფრენებს სხვა კომპანიები შეასრულებენ და მგზავრებს ბილეთებს გადაუცვლიან.