სასტუმრო “შერატონ მეტეხი პალასთან”, სადაც „ქართულმა ოცნებამ” საარჩევნო სისტემის რეფორმის პრეზენტაცია უნდა გამართოს, შინაგან საქმეთა მინისტრის გადადგომის მოთხოვნით საპროტესტო აქცია მიმდინარეობს.
აქციის მონაწილეებს აქვთ პლაკატები წარწერით – „გახარია წადი“, „ნუ გვაბრმავებთ“.
როგორც აქციის ერთ-ერთმა ორგანიზატორმა გიგა მაქარაშვილმა განაცხადა, აქციის მიზანი არაა შეხვედრის ჩაშლა. მისი თქმით, ამ აქციით ხელისუფლების წარმომადგენლებისთვის დისკომფორტის შექმნას ცდილობენ.
„ჩვენ არ ვაპროტესტებთ იმას, რაც აქ ხდება და არაფრის ჩაშლას არ ვაპირებთ. უბრალოდ, მაქსიმალურად გვინდა ვიყოთ ყველგან, სადაც ხელისუფლების წამომადგენლები არიან, ვინც წყვეტენ გახარიას გადადგომას. ჩვენი ეს მოთხოვნა კვლავ შეუსრულებელია”, – განაცხადა გიგა მაქარაშვილმა.
ცნობისთვის, დღეს, 14:00 საათზე, სასტუმრო „შერატონ მეტეხი პალასში”, პოლიტიკური გაერთიანება „ქართული ოცნება-დემოკრატიული საქართველო“ საკონსტიტუციო ინიციატივის – „პროპორციული არჩევნები 2020“- ის პრეზენტაციას გამართავს. პრეზენტაციასს დემონსტრატიულად არ ესწრებიან გაერთიანებული ოპოზიციის წარმომადგენლები