“წადი, ნუ გვაბრმავებ”- შინაგან საქმეთა მინისტრის გიორგი გახარიას გადადგომის მოთხოვნით ზუგდიდში სამოქალაქო აქტივისტები და არასამთავრობო ორგანიზაციების წარმომადგნლები შეიკრიბნენ და საპროტესტო მსვლელობა მოაწყვეს. მათი თქმით, სწორედ გახარიამ უნდა აგოს პასუხი იმ მოვლენებზე, რაც 20 ივნისის ღამეს უკავშირდება.
აქციის მონაწილეებმა მე-2 საჯარო სკოლიდან დაიწყეს მსვლელობა და სიმბოლურად 1924 წლის აჯანყებულთა მემორიალთან დაასრულეს.
აქციის მონაწილეების თქმით, მათი ყველა მოთხოვნა დაკმაყოფილებულია, გარდა ერთისა და ეს არის შსს მინისტრის გადადგომა.მანამდე ისინი ითხოვდნენ აქციის დროს დაკავებულების გათავისუფლებას და პარლამენტის თავმჯდომარის გადადგომას, რაც დაკმაყოფილდა.რაც შეეხება გიორგი გახარიას, ის აცხადებს, რომ თანამდებობის დატოვებას არ აპირებს.
“თავისუფლების მარში” დღეს თბილისსა და სხვა ქალაქებშიც გაიმართა.