ესპანეთში, კატალონიაში ტყის ხანაძარმა იფეთქა. ესპანეთის მთავრობის განცხადებით, ეს ყველაზე მასშტაბური ხანძარია ბოლო 20 წლის მანძილზე. ცეცხლი უკვე 5,500 ჰექტარს არის მოდებული. ევვაკუირებულია 53 მოსახლე, კვამლის და ცეცხლის გამო ასობით ცხვარი დაიხოცა.  ადგილზე მობილიზებული 500-ზე მეტი მეხანძრე და ჯარისკაცი ტყის ხანძრის ლოკალიზებას ცდილობს, გზების ნაწილი დაკეტილია და მოსახლეობას მოუწოდებენ ამ არეას თავი მაქსიმალურად აარიდონ.

რეგიონის შინაგან საქმეთა მინისტრის თქმით, ცეცხლი შესაძლოა 20,000 ჰექტარამდე ფართობზეც გავრცელდეს. ცეცხლის ჩაქრობას რთული რელიეფი და არახელსაყრელი ამინდი ართულებს. ხანძრის ჩაქრობაში ჩართულია ვერტმფრენები და მძიმე ტექნიკა.

ესპანეთსა და საფრანგეთის სამხრეთ ნაწილში ტემპერატურამ 44 გრადუსს მიაღწია. მთავრობა მოსახლეობას სიფრთხილისაკენ მოუწოდებს. ვარაუდობენ, რომ ზოგიერთ რეგიონში ტემპერატურა კიდევ უფრო მოიმატებს.