რამდენიმე წუთში თბილისის სასამართლოში იწყება ნიკა მელიას პროცესი, რომელზეც მოსამართლემ მისთვის აღკვეთის ღონისძიების შეფარდების თაობაზე უნდა იმსჯელოს.
პროკურატურა ნიკა მელიასთვის პატიმრობის შეფარდებას ითხოვს. მელია ამბობს, რომ ძალიან გაუჭირდება მოსამართლეს გადაწყვეტილების მიღება.
„რომ არ დამაკავონ როგორ უნდა გაამართლონ გუშინდელი დღე. ამიტომ სხვა გზა არ ექნებათ, თუმცა ძალიან გაუჭირდებათ. არ არის მარტივი იმ ყველაფრის შემდეგ დააკავო, გავრილოვის შემოპარვის და მერე ძალდატანებით პარლამენტის თავმჯდომარის სავარძელში ჩასმის გამო ვინმე, მითუფრო უნდათ არ უნდათ პოლიტიკოსს ამის გამო რომ აკავებ არ იქნება მათთვის ადვილი გადასაწყვეტი. თესავენ ქარს და ქარს როცა თესავ, ამბობენ ქარიშხალ მოიმკიო. არ მგონია რომ დაპატიმრების შემთხვევაშ მე იქ ვიქნები შეზღუდული და ეს 91 დეპუტატი იქნება თავისუფალი,”-განაცხადა ნიკა მელიამ.
ნიკა მელია ამბობს, რომ ბიძინა ივანიშვილი დამარცხდა და ეს მისი აგონიური ქმედებებიდანაც ჩანს.
„გუშინდელმა დღემ აჩვენა, რომ მილიარდები საქმეს ვეღარ უკეთებს გუშინდელმა დღემ აჩვენა რომ ის ძალაუფლება რომელიც მას აქვს, პლუს ის მილიარდები აღარ არის საკმარისი აკეთოს ის რაც მას სურს. და შედის სულ უფრო და უფრო ღრმა ჩიხში და ის მოქმედებები, რომელსაც ადგილი აქვს მისი მხრიდან ეს არის აგონიური მოქმედებები. საღ ჭკუაზე მყოფი ადამიანი, მმართველი ადამიანი ამ ქვეყნის, სპეცრაზმს სახლში რატომ შეიყვან და სპეცრაზმთან ერთად რატომ დაიძინებ. წარმოიდგინეთ მისი ფსიქოლოგიური მდგომარეობა რომელიც არის,“-განაცხადა ნიკა მელიამ.
სასამართლოში წასვლის წინ ნიკა მელია ოჯახს დაემშვიდობა. “დარწმუნებული ვიყავი, რომ ნიკას, თავიანთი მკურნალი ექიმის შვილს, არ გაიმეტებდნენ ციხისთვის” – ამბობს ნიკა მელიას მამა, ცნობილი კარდიოლოგი ანზორ მელია, თუმცა იგი მხოლოდ გულნატკენია და არა იმედგაცრუებული, რადგან ძალიან კარგად იცის, რომ კაცის გული მხოლოდ ერთი შეხედვით არის ხორცის ნაგლეჯი, სინამდვილეში ისეთია, ვით მორევი შავი ზღვისა