26 ივნისს, წამების მსხვერპლთა მხარადჭერის საერთაშორისო დღე აღინიშნება. დღეს, ზუგდიდში ასოციაცია „ქსენონის“ ორგანიზებით ამ დღესთან დაკავშირებით შეხვედრა გაიმართა. ასოციაცია „ქსენონის“ დირექტორის, ნინო ჯანაშიას განმარტებით, პროექტ“უგზო-უკვლოდ დაკარგულ პირთა ოჯახების რეაბილიტაცია და გაძლირება სამეგრელო-ზემო სვანეთის რეგიონში“ ფარგლებში, მათი ორგანიზაცია წლებია მსგავსი პრობლემების მქონე ოჯახებთან მუშაობს. წითელი ჯვრის საერთაშორისო კომიტეტის დასავლეთ საქართველოს დაცვის და მოძიების საველე ოფიცრის ლანეტა როდონაიას თქმით, შეიარაღებული კონფლიქტის დროს ჯამში უგზო-უკვლოდ დაკარგულად 2 ათასზე მეტი ადამიანი ითვლება და მათგან 500 ოჯახი სამეგრელო-ზემო სვანეთის რეგიონიდანაა. 26 ივნისი წამების მსხვერპლთა დახმარების საერთაშორისო დღედ 1987 წლიდან გამოცხადდა და ეს დღე მთელი მსოფლიოს მასშტაბით 70-ზე მეტ ქვეყანაში აღინიშნება.