პარლამენტის პლენარულ სხდომაზე პროკურატურისთვის ნიკა მელიას დაპატიმრებაზე თანხმობის მიცემის საკითხს კენჭი უნდა უყარონ

0
434

პარლამენტის პლენარული სხდომა მიმდინარეობს, სადაც პროკურატურისთვის ნიკა მელიას დაპატიმრებაზე თანხმობის მიცემის საკითხს კენჭი უნდა უყარონ.

მანამდე, პარლამენტის 2 კომიტეტის გაერთიანების სხდომაზე დეპუტატების უმრავლესობამ ნიკა მელიას დაპატიმრებაზე პროკურატურისთვის თანხმობის მიცემის საკითხს მხარი დაუჭირა. შემდეგ კი აღნიშნულ საკითხს მხარი პარლამენტის ბიურომაც დაუჭირა.

შეგახსენებთ, რომ პროკურატურა ნიკა მელიას ბრალს საზოგადოებრივი წესრიგისა და უშიშროების წინააღმდეგ მიმართული დანაშაულის ჩადენაში სდებს. გენერალური პროკურორის პარლამენტისადმი გაგზავნილ მიმართვაში ნათქვამია, რომ მან შეძლო დაეყოლიებინა მშვიდობიანი მომიტინგეები სამართლადამცავებზე ძალადობრივ თავდასხმაში.

გენერალური პროკურორის შეფასებით, მოცემულ შემთხვევაში სახეზეა აღკვეთის ღონისძიების გამოყენების როგორც ფაქტობრივი, ასევე ფორმალური საფუძველი.

წინა სტატიახიდის შესაძლო ჩაკეტვიდან გამომდინარე პრობლემებზე საუბრობენ ტაქსის მძღოლები, რომლებიც წლებია ენგურის ხიდზე მუშაობენ [Video]
შემდეგი სტატიაპლენარულ სხდომას, სადაც ნიკა მელიასთვის სადეპუტატო მანდატის შეჩერებას უნდა უყარონ კენჭი, ოპოზიციიდან მხოლოდ მელია ესწრება
ტელეკომპანია ოდიშის საინფორმაციო სამსახური