პირველად საქართველოს ისტორიაში მოქმედ დეპუტატს მისი დაპატიმრების მიზნით იმუნიტეტი შეუჩერდა. „ქართული ოცნების“ 91-მა წევრმა მხარი დაუჭირა პროკურატურის მოთხოვნას. „ნაციონალური მოძრაობის“ წევრმა, სალომე სამადაშვილმა ხმამაღლა წაიკითხა „ქართული ოცნების“ იმ დეპუტატების გვარები, რომლებმაც ნიკა მელია მწვანე ღილაკზე თითის ერთი დაჭერით, სავარაუდოდ, ციხეში გაუშვეს.
ნიკა მელიასთვის დეპუტატის იმუნიტეტის შეჩერებას ხმა მისცა “ქართული ოცნების” ზუგდიდის მაჟორიტარმა დეპუტატმა ედიშერ თოლორაიამაც.