ბათუმში, კობალაძის ქუჩაზე ლიფტის ჩავარდნის შედეგად ერთი ადამიანი დაშავდა. ახალაშენებული 22 სართულიანი კორპუსის ლიფტი მწყობრიდან გამოვიდა და 9 ადამიანი, მათ შორის მცირეწლოვანი რომელიც ლიფტში იმყოფებოდა შახტში ჩავარდა.
ერთ ერთი დაშავებულის მდგომარეობა შედარებით მძიმეა. იგი სასწრაფო დახმარების ბრიგადამ სამედიცინო დაწესებულებაში გადაიყვანა.
ამ დროისთვის უცნობია რა გახდა ლიფტის ჩავარდნის მიზეზი. თვითმხილველების განმარტებით, მას არ ჰქონდა კარი და გადაადგილებაში მშენებლობაზე დასაქმებული პირი ეხმარებოდა. დაშავებულები ბრალეული პირის დასჯას ითხოვენ:
მოსახლეობა ამბობს, რომ ლიფტი რამდენიმე დღის განმავლობაში გაფუჭებული იყო და ის ცოტა ხნის წინ შეაკეთეს, თუმცა უსაფრთხოების ნორმები დაცული არ იყო. მათი თქმით, ლიფტს არ ჰქონდა კარი.
მომხდარ შემთხვევასთან დაკავშირებით მიმდინარეობს გამოძიება.