„ხელისუფლებამ ვერაფრით ვერ გაგვთიშა,“ – ეს განცხადება, საქართველოს რესპუბლიკური პარტიის პოლიტიკური მდივანმა, თამარ კორძაიამ პარლამენტის წინ მიმდინარე აქციაზე წუხელ გააკეთა.
მან აღნიშნა, რომ ხელისუფლებამ მოქალაქეების მოთხოვნა უნდა შეასრულოს და პირველ რიგში, გიორგი გახარია გადადგეს.
„დღეს ჩვენ ყველა ვეუბნებით იმ ხელისუფლებას, რომელმაც ოკუპანტების წინააღმდეგ გამოსულ ადამიანებზე ნადირობა გამოაცხადა, ვეუბნებით უარს. გახარია გადადგება, ჩვენ მოქალაქეებზე მონადირე გახარია, გადადგება,“ – განაცხადა კორძაიამ.
საპროტესტო აქციის მთავარი მოთხოვნები უცვლელია – გადადგეს შს მინისტრი გიორგი გახარია და დაინიშნოს ვადამდელი არჩევნები, რომელიც პროპორციული წესით ჩატარდება.
აქციის მონაწილეებმა ხელისუფლებას ულტიმატუმი წაუყენეს და 20 ივნისის აქციის შემდეგ დაკავებულების გათავისუფლება მოითხოვეს. ასევე, გახარიას გადადგომისთვის ვადა დღის ბოლომდე მისცეს.