დღეს გაიმართა შოთა მესხიას ზუგდიდის სახელმწიფო სასწავლო უნივერსიტეტის აკადემიურ პერსონალთან შეხვედრა, რომლის ორგანიზატორები შოთა რუსთაველის საქართველოს ეროვნული სამეცნიერო ფონდის წარმომადგენლები იყვნენ.
შეხვედრაზე მთავარი აქცენტები განათლების სფეროში მინდინარე რეფორმებზე გაკეთდა.
როგორც შოთა რუსთაველის საქართველოს ეროვნული სამეცნიერო ფონდის გენერალური დირექტორი ზვიად გამისონია განმარტავს, განათლების რეფორმის ერთ-ერთი მთავარი კომპონენტი მეცნიერება გახლავთ, იგი საუბრობს, თუ რა გეგმები აქვს სამეცნიერო ფონდს ამ მიმართულებით.
შოთა მესხიას ზუგდიდის სახელმწიფო სასწავლო უნივერსიტეტის რექტორის თეონა ხუფენიას თქმით, ძალიან მნიშვნელოვანია, როცა სამეცნიერო ფონდი თავისი წინადადებებითა და შესაძლებლობებით ადგილზევე აცნობს ახალ ინფორმაციებს აკადემიურ პერსონალს. მისივე თქმით, ზუგდიდში სამეცნიერო ფესტივალის ფარგლებში, სამეცნიერო პიკნიკი მოეწყობა.