“პირველი რადიოს” ინფორმაციით, ,,ქართული ოცნების” პოლიტსაბჭოს სხდომაზე პარლამენტის თავმჯდომარის, ირაკლი კობახიძის თანამდებობიდან გადადგომის გადაწყვეტილება იქნა მიღებული. განცხადება ამ თემაზე პარტიის ოფისში რამდენიმე წუთში გაკეთდება.
კობახიძეს უნდა მოხვედროდა და მოხვდა კიდეც, მაგრამ გადაარჩენს თუ არა ივანიშვილს ერთი ბარტყი გადმოგდება, ხალხის რეაქცია გვიჩვენებს – საქართველოში ივანიშვილისა და მისი ნირწამხდარი გარემოცვის გარდა არავის სჯერა რომ შეძლებენ ხალხი დააწმუნონ, რომ კობახიძე ივანიშვილთან შეთანხმებისაგარეშე მოქმედებდა.
არ სჯერათ ეს საქართველო უცხოელ მეგობრებსაც
უცხოელი ანალიტიკოსი პოლ კრიგო საქართველოში რუსი დეპუტატების ვიზიტს ეხმაურება. კრიგო ამბობს, რომ მისთვის ქართველი ხალხის აღშფოთება და პროტესტი აბსოლუტურად გასაგებია. მისი განცხადებით, სპიკერის სავარძელში ნებისმიერი რუსის ხილვა ასეთივე მწვავე რეაქციას გამოიწვევდა.
ანალიტიკოსი დარწმუნებულია, რომ გავრილოვის მოწვევა ბიძინა ივანიშვილის ნებართვის გარეშე არ მოხდებოდა.
„ცხადია, ვიღაცამ ძალიან დიდი შეცდომა დაუშვა, მათ შორის პარლამენტის სპიკერმაც. თუმცა, ის ამას არ გააკეთებდა, ბიძინა ივანიშვილის ნებართვის გარეშე, რომელიც “ქართული ოცნების” ხელმძღვანელია. იმ სავარძელში ნებისმიერი რუსის ყოფნა პრობლემური იქნებოდა. განსაკუთრებით კი, ნაციონალისტური გეგმის მქონე კომუნისტური პარტიის წევრის. ეს ძალიან არასწორი სიმბოლოა და იმედია, ივანიშვილმა იცის, რომ დიდი შეცდომა დაუშვა. მე არ ვიცი და არ მესმის, ეს როგორ უნდა გააკეთო,”- განაცხადა კრიგომ.