მთავრობის ადმინისტრაციასა და პარლამენტის მიმართულებით სახანძრო მანქანების მობილიზება მიმდინარეობს. მანამდე კი მთავრობის ადმინისტრაციასთან ყვითელი ავტობუსებით სამართალდამცავები მიიყვანეს.
თავისუფლების მოედანზე მცირე ინციდენტი მოხდა. მოქალაქეები პოლიციელებს დაუპირისპირდნენ. ისინი სამართალდამცველების მხრიდან ძალის გამოყენებას აპროტესტებდნენ.
პარლამენტთან კი სპეცდანიშნულების რაზმის წევრები ცრემლსადენი გაზის ყუმბარებს და რეზინის ტყვიებს აქციის მონაწილეების მისამართით კვლავ ისვრიან.
ოფიციალური ინფორმაციით, სულ დაშავებულია 17 სამოქალაქო პირი და 38 სამართალდამცავი, მათგან მხოლოდ 4-ის ჰოსპიტალიზაცია გახდა საჭირო.