“ივანიშვილმა სოლიდური თანხები გამოყო ახალგაზრდების მოსასყიდად, მაგრამ მინდა ვუთხრა – შეიძლება ამ ქვეყანაში ყველაფერი იყიდოს, მაგრამ ქართველ ახალგაზრდებს “კიკუებად”ვერ აქცევს – ბაჩუკი ქარდავა

0
756

ეროვნულ-დემოკრატიული პარტიის ლიდერის, ბაჩუკი ქარდავას განცხადებით, ივანიშვილმა აქციაში მონაწილე ახალგაზრდების მოსყიდვის ბრძანება გასცა. 

როგორც ქარდავამ სპეციალურ ბრიფინგზე განაცხადა, სუს-ის მიერ ორგანიზებული ჯგუფები დღეს დაგეგმილი აქციის “ხელში ჩაგდებას” ცდილობენ. 

“ივანიშვილმა გუშინ მიიღო გადაწყვეტილება და სოლიდური თანხები გამოყო ახალგაზრდების მოსასყიდად, მაგრამ მინდა ვუთხრა ივანიშვილს – შეიძლება ამ ქვეყანაში ყველაფერი იყიდოს, მაგრამ ქართველ ახალგაზრდებს “კიკუებად”ვერ აქცევს, მალე ქართველი ახალგაზრდები “გააკიკუებენ” ბიძინა ივანიშვილს, რადგან ის ადამიანები, რომლებიც აი აქ, რუსთაველის გამზირზე იბრძოდნენ საქართველოს დამოუკიდებლობისა და თავისუფლებისთვის, არ გაიყიდებიან. მიზანი და ამოცანა აქვსთ ერთი, რომ სუს-ის მიერ ორგანიზებულმა ჯგუფებმა რამენაირად ჩაიგდონ საპროტესტო აქცია დღეს, რასაც ისინი ვერ მოახერხებენ და დღეს 7 საათზე საპროტესტო აქცია იქნება საქართველოს პატრიოტების ხელში და ეს არ დასრულდება მანამ, სანამ ივანიშვილი ხელისუფლებას არ დატოვებს”- თქვა ქარდავამ.

წინა სტატიანინო ბურჯანაძე: “20 მაისი, კიდევ ერთი სისხლიანი ღამე რუსთაველზე – ასე შევა ისტორიაში ბიძინა ივანიშვილი და „ქართული ოცნების“ ხელისუფლება.
შემდეგი სტატიაგანათლების რეფორმა – შეხვედრა შოთა მესხიას ზუგდიდის სახელმწიფო სასწავლო უნივერსიტეტში [Video]
ტელეკომპანია ოდიშის საინფორმაციო სამსახური