ენერგო-პრო ჯორჯია უარყოფს ინფორმაციას თითქოს წუხელ, ზუგდიდს ელექტროენერგია შეზღუდვით სპეციალურად მიეწოდებოდა
“20 ივნისს საღამოს, ზუგდიდში და სამეგრელოს სხვა რაიონებში ამოვარდნილმა ძლიერმა ქარმა მოგლიჯა ხეები, რომლებიც დაეცა ელექტროგადამცემ ხაზებს. შედეგად, ელექტროენერგია შეზღუდვით მიეწოდებოდა ქალაქ ზუგდიდის ნაწილს და მიმდებარე სოფლებს.
დაზიანების წუთიდან, ,,ენერგო-პრო ჯორჯიას ტენიკურმა სამსახურმა დაიწყო აღდგენითი სამუშაოების წარმოება. პროცესში ჩართული იყო საგანგებო სიტუაცების მართვის სამსახურიც. სარეაბილიტაციო სამუშაოების ოპერატიულად წარმოებას ხელს უშლიდა მოგლეჯილი და ჩახერგილი ხეები. თუმცა აბონენტების ნაწილისთვის მალევე მოხერხდა ელექტროენერგიის მიწოდების აღდგენა.
დაზიანებების სირთულის და ღამით, სამუშაოების წარმოების უსაფრთხოების არარსებობის გამო, აღდგენითი სამუშაოების წარმოება დღეს დილითვე განახლდა და დღის პირველ ნახევარში ყველა აბონენტს მიეწოდება ელექტროენერგია” – აღნიშნულია “ენერგო-პრო ჯორჯიას” მიერ გავრცელებულ ინფორმაციაში.