რუსთაველზე განვითარებულ მოვლენებს სასულიერო პირები აფასებენ. მეუფე ზენონმა სოციალურ ქსელში განცხადება გაავრცელა. დიდი ბრიტანეთისა და ირლანდიის მთავარეპისკოპოსი აღნიშნავს, რომ ხელისუფლებამ საზოგადოებას 9 აპრილი გაახსენა.
“ყოჩაღ, ხელისუფლება! როგორი მოშურნეობით აღასრულე პატივმოყვარეობისა და ძალაუფლების ვნებით შეპყრობილმა შენი ხალხის სისხლისღვრა! ასე გადაწყვიტე შენს ხალხში არსებული ეროვნული ღირსებისადმი პასუხ-მიგება? დღეს, 9 აპრილი გაგვახსენე. ნეტავ, ვისი გული გაახარე?!
ნუთუ, ვერ ხვდები, რომ უსამართლობას და ბოროტებას დასასრულიც შესაბამისი აქვს,” – წერს დიდი ბრიტანეთისა და ირლანდიის მთავარეპისკოპოსი ზენონი.