ჩვენზე არის დამოკიდებული, რამდენად სწრაფად დავასრულებთ ივანიშვილის ხელისუფლებას – ეს განცხადება, „ნაციონალური მოძრაობის“ წევრმა, ზალიკო უდუმაშვილმა პარლამენტის შენობასთან გააკეთა.
ზალიკო უდუმაშვილი მოქალაქეებს რუსთაველის გამზირზე მისვლისკენ მოუწოდებს, მათ შორის რეგიონში მცხოვრებ მოსახლეობას.
„ჩვენ დღეიდან, ივანიშვილზე და მის ხელისუფლებაზე ვილაპარაკოთ წარსულ დროში, იმ მომენტიდან, როდესაც ივანიშვილმა გაზი გამოიყენა იმ აქციის მონაწილეების მიმართ, რომლებიც ქუჩაში გამოსული იყვნენ ამ ქვეყნის ღირსების დასაცავად, იმ მომენტიდან ივანიშვილის ხელისუფლება დასრულდა. ახლა არის დროის და ტექნიკის ამბავი უკვე. ჩვენზე არის დამოკიდებული, რამდენად სწრაფად დავასრულებთ ივანიშვილის ხელისუფლებას. დღეიდან, მე ივანიშვილზე ვსაუბრობ წარსულ დროში, იმიტომ რომ ის როგორც ამ ქვეყნის ოლიგარქი აღარ არსებობს, დეოლოგარქიზაცია მოხდა ამ ქვეყანაში. განვითარება მხოლოდ ერთია აქ, ხალხი უნდა იყოს აქ მუდმივად“ – განაცხადა ზალიკო უდუმაშვილმა.