გადაცემა ,,ლუსტრაციას,, წამყვანი ლევან თორია პოლიციაში გამოკითხვაზე იმყოფებოდა

0
508

15:50 17-06-2019

გადაცემა „ლუსტრაციის“ წამყვანი ლევან თორია  ზუგდიდის პოლიციის სამმართველოში გამოკითხვაზე იმყოფებოდა

დღეს, ტელეკომპანია „ოდიშის“ გადაცემა „ლუსტრაციის“ წამყვანი ლევან თორია ზუგდიდის პოლიციის სამმართველოში გამოკითხვაზე იმყოფებოდა. როგორც იგი განმარტავს, მისი გამოკითხვა სამეგრელო-ზემო სვანეთის საოლქო პროკურატურაში შეტანილ განცხადებას ეხებოდა. თორია დადიანების ეზოში 14 მაისს მომხდარ ინციდენტთან დაკავშირებით პროკურატურისგან მუხლის გადაკავლიფიცირებას ითხოვდა და დღევანდელი დაბარებაც სწორედ ამ ფაქტს უკავშირდება. საქმე ეხება 14 მაისს, მომხდარ ინციდენტს, რა დროსაც მუზეუმის ტერიტორიაზე გადაცემის ჩაწერისას წამყვანზე და სტუმრებზე თავდასხმა განხორციელდა. საქმე აღძრულია სისხლის სამართლის კოდექსის 126-ე მუხლის პირველი ნაწილით, რაც ცემას გულისხმობს. პროკურატურაში შეტანილი განცხადების საფუძველზე თორიას ადვოკატი საქმეში 154-ე მუხლის დამატებას ითხოვს, რაც ჟურნალისტისთვის ხელისშეშლას გულისხმობს. აქვე აღსანიშნავია, რომ გამოძიებამ თორია დამნაშავედ სცნო და მას სასამართლომ ფიზიკური შეურაცყოფისთვის 3 ათასლარიანი ჯარიმა დააკისრა. აღნიშნულ ფაქტთან დაკავშირებით საგამოძიებო მოქმედებები ამ დრომდე მიმდინარეობს.

წინა სტატია17-21 ივნისს – აღმოსავლეთ საქართველოში მოსალოდნელია წვიმა და ელჭექი. აგრილდება დასავლეთშიც
შემდეგი სტატიავრჩები გუნდში” – შემცვლელის წარდგენას სერგეენკოც დაესწრება
ტელეკომპანია ოდიშის საინფორმაციო სამსახური