ზუგდიდის ცენტრალურ ქუჩაზე, ზვიად გამსახურდიას გამზირზე ერთმანეთის მიყოლებით სწრაფი გადახდის რამდენიმე აპარატი დაამტვრიეს. შემთხვევა წუხელ მოხდა.
ადგილი, სადაც შემთხვევა მოხდა ცენტრალური ქუჩაა და მუდმივად მოძრაობაა, აქვეა განლაგებული სხვადასხვა დანიშნულების ობიექტები, აფთიაქები, სწრაფი კვება, მაღაზიები და სხვ.
„წუხელ 2 საათზე ვიღაც მთვრალი ყოფილა და ყველა დაუმტვრევია ასე მიყოლებით…არ ვიცი, ვინ ნახა, ასე გავიგე ამ დილით, მაღაზიაში ვმუშაობ და დილით რომ მოვედი ასე დამხდა ძირს დაგდებული“- უთხრა „ოდიშინიუსს“ ერთ-ერთმა ქალბატონმა. ადგილზე ამ წუთებში სამართალდამცავები მუშაობენ, მათი ინფორმაციით, დაკავებულია ერთი პირი.
