საგარეჯოში 85 წლის კაცმა ცეცხლსასროლი იარაღით შვილი, რძალი და ორი მეზობელი მოკლა. ასევე, დაჭრა ცოლი.
ადგილობრივების ინფორმაციით, კაცმა ჯერ შვილსა და რძალს ესროლა, შემდეგ კი, დასახმარებლად შესულ მეზობელ დედა-შვილს.
შინაგან საქმეთა სამინისტრომ ბრალდებული უკვე დააკავა. უწყებაში აცხადებენ, რომ შემთხვევის ადგილზე საგამოძიებო მოქმედებები მიმდინარეობს.
“დაკავებულმა ცეცხლსასროლი იარაღიდან მიჯრით, რამდენიმე გასროლით, სასიკვდილო ჭრილობები მიაყენა 4 ადამიანს – შვილს, რძალს და ორ მეზობელს, ხოლო ჯანმრთელობის დაზიანება მიაყენა მეუღლეს და მოკვლით ემუქრებოდა სხვა პირებსაც, თუმცა შემთხვევის ადგილზე უმოკლეს დროში მისულმა სამართალდამცველებმა, ო.გ. ადგილზე დააკავეს” – აღნიშნავენ შს სამინისტროში.
ამ დროისათვის ცნობილი ხდება, რომ ორი მოკლული, ამ ოჯახისმხოლოდ მეზობელი კი არა< ახლო ნათესავია – ოჯახური კონფლიქტის დროს, 85 წლის მამაკაცმა შვილსა და რძალს ესროლა, შემდეგ კი ხმაურზე შემოსულ ნათესავებს – ძმის ცოლსა და ძმისშვილს, რომლებიც ბრალდებულის ოჯახის მეზობლად ცხოვრობდნენ.