მეტროსადგურ “სარაჯიშვილზე” მგზავრს მატარებელი დაეჯახა.
თბილისის მეტროპოლიტენის პრესსამსახურის ცნობით, მგზავრი მეტროს ლიანდაგზე იმ დროს ჩავარდა, როდესაც მატარებელი სადგურზე შემოდიოდა, რის გამოც მატარებლის დროულად გაჩერება ვერ მოხერხდა. არსებული ინფორმაციით, მგზავრი ახალგაზრდა მამაკაცია.
ამ ეტაპზე მისი ჯანმრთელობის მდგომარეობა უცნობია.ადგილზე მობილიზებულია სასწრაფო სამედიცინო დახმარება და საპატრულო პოლიცია.
როგორც პრესსამსახურმა „ინტერპრესნიუსთან“ საუბრისას აღნიშნა, მომხდარის გამო მეტროს პირველ ხაზზე ზონალური მოძრაობა ხორციელდება, რაც იმას ნიშნავს, რომ მატარებელი ვარკეთილიდან დიდუბემდე მოძრაობს.