გიორგი შენგელია აქტიურად აპირებს ახალგაზრდებთან თანამშრომლობას

0
421

ზუგდიდის დემოკრატიული ჩართულობის ცენტრში გრძელდება ახალგაზრდებთან,  ზუგდიდის მერობის კანდიდატების  შეხვედრები. დღეს,  ახალგაზრდებს „ქართული ოცნების“ მერობის კანდიდატი, გიორგი შენგელია შეხვდა.  მერობის კანდიდატმა იმ თემებზე და საკითხებზე ისაუბრა, რის განხორციელებასაც გამარჯვების შემთხვევაში გეგმავს. მან მთავარი  აქცენტი დასაქმებაზე გააკეთა  საარჩევნო პროგრამის წარდგენის შემდეგ დისკუსია გაიმართა, არასამთავრობო ორგანიზაცია “yar” -ის წარმომადგენელმა, გიორგი ჯგუშიამ, რომელიც დამოუკიდებელი მერობის კანდიდატის თენგიზ  ჯგუშიას შვილია,  მერობის კანდიდატს რამდენიმე შეკითხვა დაუსვა და ასევე შესთავაზა მიიღებდა თუ არა იგი თენგიზ ჯგუშიასთან ერთად დებატებში მონაწილეობას.  ასევე არასამთავრობო ორგანიზაცია, „სამართლიანი არჩევნების“ ზუგდიდის ოფისის კოორდინატორმა, დათა აქუბარდიამ შეკითხვები დასვა, ქალაქში უპატრონო ძაღლების თავშესაფრის არარსებობაზე და იმ ახალგაზრდების დასაქმებაზე, რომლებიც არცერთი პარტიის წევრები არ არიან.   მერობის კანდიდატმა, გიორგი შენგელიამ შეხვედრა შეაფასა და განმარტა, რომ ის აქტიურად აპირებს ახალგაზრდებთან თანამშრომლობას და მათთვის იმ პრობლემების მოგვარებას, რომლის შესახებაც შეხვედრაზე ისაუბრეს. ამ ფორმატში მომდევნო შეხვედრა, მერობის დამოუკიდებელ კანდიდატ თენგიზ ჯგუშიასთან გაიმართება. 

წინა სტატიაადა მარშანიას ნერვები მოეშალა – პარლამენტმა ნუკრი ქანთარიას ინიციატივა “ზოგადი განათლების შესახებ” კანონიდან სიტყვის “ლიბერალური” ამოღების საკითხი ჩააგდო
შემდეგი სტატიასანდრა რულოვსი სამედიცინო სფეროს წარმომადგენლებს შეხვდა [Video]
ტელეკომპანია ოდიშის საინფორმაციო სამსახური