„ერთიანი ნაციონალური მოძრაობის" ზუგდიდის ორგანიზაციაში წევრების მიერ პარტიის დატოვებას უარყოფენ. „ნაციონალური მოძრაობის“ ადგილობრივი ორგანიზაციის თავმჯდომარე ანა წითლიძის თქმით, მედიის მიერ გავრცელებული ინფორმაცია სიმართლეს არ შეესაბამება და ზუგდიდში წინასაარჩევნო პროცესი „ქართული ოცნებისა“ და სუს-ის მიერ არის მართული.
„ქართულ ოცნებას“ დარჩა მხოლოდ ბინძური ხერხები ჩვენთვის უცნობი ადამიანების გამოყენებით, მოსყიდვით, დაშინებით შეცვალოს საარჩევნო პროცესი. სერიოზული პრობლემები აქვს ხელისუფლებას და ჯობია ხალხს მიხედონ და საქმე აკეთონ. ის ადამიანები, ვინც ამბობენ, რომ პარტია დატოვეს, არასდროს ყოფილან ჩვენი პარტიის წევრები. ჩვენ ვიბრძვით გამარჯვებისთვის“- განუცხადა „ოდიშინიუსს“ ანი წითლიძემ.
დღეს დილით მედიასაშუალებებმა გავრცელეს ინფორმაცია, იმის შესახებ, რომ ნაციონალური მოძრაობა 30-მდე კოორდინატორმა ხელფასების გაუცემლობის გამო დატოვა.