გაერთიანებული ოპოზიციის სამეგრელოს რეგიონული ორგანიზაციის თავმჯდომარის მურთაზ ზოდელავას თქმით, მედიაში გავრცელებული ინფორმაცია, თითქოს პარტიას წევრები ტოვებენ, სიმართლეს არ შეესაბამება
,,ქართული ოცნება სამწუხაროდ ყველა იმ მანკიერ მანერას იყენებს, რასაც წინა არჩევნების დროს იყენებდა, ესაა შანტაჟის, დაშინების და მოსყიდვის მექანიზმები, ფეიკ-გვერდების გააქტიურება..რეალურად არის დაფიქსირებული ორი ადამიანი და არც ერთი არ არის ჩვენი პარტიის წევრი.ქართული ოცნების პირობებში გუბერნია გადაიქცა შტაბად და ამ პირობებში აპელირება იმაზე, რომ ერთი ქალბატონის ოჯახში შტაბი უნდა ყოფილიყო და არ არის, მგონი სასაცილოა.“- განაცხადა მურთაზ ზოდელავამ. მისი თქმით, თუ რამე დარღვევები დაფიქსირდება პარტიაში , ამას აუდიტის სამსახური გაარკვევს.