,,ჩვენ რომ სახელმწიფო გვქონდეს და არა ბიძინა ივანიშვილის შპს, დღეს ამ დარბაზში თქვენი გადადგომის საკითხი უნდა ისმებოდეს“- ოპოზიცია გახარიას მიმართავს

0
390
საქართველოს შინაგან საქმეთა მინისტრი უმაღლეს საკანონმდებლო ორგანოში „მინისტრის საათის“ ფარგლებში დეპუტატების წინაშე წარსდგა. სიტყვის დასრულების შემდეგ ოპოზიციამ მინისტრს მწვავე კითხვები დაუსვა .
 
 „ნაციონალური მოძრაობის“ წევრის სალომე სამადაშვილის  კითხვები პანკისის ხეობაში განვითარებულ მოვლენებს ეხებოდა
 
„გაოცებული ვარ თქვენი გამოსვლის ტონით, როდესაც რამდენიმე დღის წინ საკუთარი, არაკომპეტენტური გადაწყვეტილებით, მიგევლინათ პოლიცია პანკისის ხეობაში, ბევრად უფრო დიდი დარტყმა მიაყენეთ ქართულ პოლიციას, ვიდრე ვინმემ უკანასკნელი წლების განმავლობაში, ჩვენ რომ სახელმწიფო გვქონდეს და არა ბიძინა ივანიშვილის შპს, დღეს ამ დარბაზში თქვენი გადადგომის საკითხი უნდა ისმებოდეს“, – განაცხადა სალომე სამადაშვილმა. და იქვე დაინტერესდა, დასვა თუ არა მინისტრმა კითხვა ჰესების მშენებელ კომპანიასთან, თუ რატომ იყო საჭირო 21 აპრილს, ხეობაში სამართალდამცველების გაგზავნის.
 
„დღეს, როდესაც შესული ხართ ჩიხურ ვითარებაში, ერთი მხრივ, არის ადგილობრივი მოსახლეობა, რომელიც ამბობს, რომ ძალიან მძაფრი რეაქცია ექნება, თუკი ხელისუფლება განახორციელებს კანონიერ ზომებს მათ წინააღმდეგ იმ მიზნით, რომ დაისაჯონ მონაწილეები, რა არის გამოსავალი?! როგორ აპირებთ ჩიხიდან გამოსვლას?, “- განაცხადა სალომე სამადაშვილმა
 
,,როგორ ბედავთ საერთოდ ლაპარაკს იმასთან დაკავშირებით, რომ ვინმე სხვა ახდენს პოლიციის დისკრედიტაციას. უნამუსო ადამიანის გარდა ამას ვერავინ იკადრებდა, – ასე მიმართა „ნაციონალური მოძრაობის“ ერთ-ერთმა ლიდერმა ნიკა მელიამ შს მინისტრს გიორგი გახარიას..
 
„თქვენ ბრძანეთ, გამოსვლის დასაწყისში ძალიან უცნაური რამ, რომ თითქოს ოპოზიცია კამპანიას აწარმოებს პოლიციის დისკრედიტაციის. არადა, მე გეტყვით საპირისპიროს. თუ ვინმე პოლიციის დისკრედიტაციას უწყობს ხელს, ხართ პირადად თქვენ – გიორგი გახარია, რომელიც უშუალოდ თანამშრომლობთ კრიმინალებთან. ეს ყველაფერი დადასტურდა ზუგდიდშიც. მხოლოდ ერთი ადამიანის სახელი და გვარი, ხვიჩა ცხაკაია საკმარისია, რომელზეც თქვენ თავი გამოისულელეთ და თქვით, რომ უბრალოდ არ გსმენიათ მის შესახებ. არადა, პირადად ხართ მასთან შეხვედრილი. თქვენ ხართ იმ უწყების ხელმძღვანელი, რომელიც „რემენას“ აეროპორტში ხვდება. იმ უწყების ხელმძღვანელი, რომელიც „ლავასოღლის“ ათავისუფლებს, იმ გუნდის ერთ-ერთი თვალსაჩინო ლიდერი ხართ, რომლის რიგებში არის კახა კალაძე, რომლიც ამაყობს რვა სული ქურდით და ა.შ. ამ ყველაფრის შემდეგ როგორ ბედავთ საერთოდ ლაპარკს იმასთან დაკავშირებით, რომ ვინმე სხვა ახდენს პოლიციის დისკრედიტაციას. უნამუსო ადამიანის გარდა ამას ვერავინ იკადრებდა, მაგრამ თქვენ ხართ ასეთი ადამიანი და მრავალჯერ დაგიმტკიცებიათ ეს“, – განაცხადა ნიკა მელიამ.

 
წინა სტატიასანდრა რულოვსის შეხვედრაზე მიხეილ სააკაშვილი ჩაერთო და ლაზიკის პროექტზე ისაუბრა [Video]
შემდეგი სტატია„ნადვილად უნამუსობაა სკოლის დირექტორის სიკვდილამდე მიყვანა იმიტომ, რომ მას არ სურდა სალომეს ზურაბიშვილის კამპანიაში ჩართვა”.
ტელეკომპანია ოდიშის საინფორმაციო სამსახური