”თვითმავალ საფრთხედ” წოდებული ქალბატონის თვითშემოქმედება” – სალომე ზურაბიშვილის მორიგი გაუაზრებელი განცხადება

0
418

 პრეზიდენტ სალომე ზურაბიშვილი  საქართველოში ამერიკული ბაზის მშენებლობის წინააღმდეგია – ამის შესახებ განცხადება სალომე ზურაბიშვილმა დღეს, 1 მაისს"ამერიკის ხმასთან" ინტერვიუს დროს გააკეთა.
 
“არ მგონია, ეს რეკომენდირებული იყოს. ჩვენ არ გვჭირდება ისეთი ნაბიჯების გადადგმა, რაც შეიძლება, პროვოკაციად იყოს აღქმული. ასევე, არ მგონია, რომ აშშ მზად იყოს იმისთვის, რომ აქ სამხედრო ბაზა განათავსოს, რაც ორმხრივ რეაქციას გამოიწვევს, როგორც რუსეთის მხრიდან, ისე იმ ტერორისტების მხრიდან, რომლებიც რეგიონში ძალიან აქტიურები არიან ” – განაცხადა მან პასუხად კითხვაზე არის თუ არა ღია იმისთვის, რომ საქართველოს ტერიტორიაზე აშშ-ის ბაზები განთავსდეს. 
,
პრეზიდენტის ამ გაგანცხადებას უკვე მოყვა მწვავე შეფასებები ოპოზიციის მხრიდან. 
 
,,საგარეო საქმეთა სამინისტრომ დაუყოვნებლივ უნდა დაადასტუროს, რომ განცხადება იმის თაობაზე, თითქოს ამერიკული სამხედრო ბაზა არ გვინდა, რადგან ეს გააღიზიანებს რუსებს და ტერორისტებს, არის სახელმწიფოს პოზიცია და შეთანხმებული იყო მთავრობასთან ან უარყოს, რომ ეს არის ”თვითმავალ საფრთხედ” წოდებული ქალბატონის თვითშემოქმედება და შესაბამისად, კონსტიტუციის დარღვევა, – ამის შესახებ ფრაქცია "ნაციონალური მოძრაობის“ თავმჯდომარემ რომან გოცირიძემ განაცხადა.
 
მისივე შეფასებით, საქართველოს პრეზიდენტს ახალი კონსტიტუციით არ აქვს უფლება დამოუკიდებლად განსაზღვროს საგარეო პოლიტიკა და საკითხები საჭიროებს მთავრობასთან შეთანხმებას.
 
„უფრო მეტიც, მას არა აქვს სამართლებრივი აქტის გამოცემის უფლება პრემიერ-მინისტრის თანხმობის გარეშე, რომელსაც კონსტიტუციით ”თანახელმოწერა” ჰქვია. მან თუ ასე გააგრძელა, იმპიჩმენტით დაამთავრებს", -აღნიშნა რომან გოცირიძემ.
 
 

წინა სტატიაარასასიამოვნო მიღება-დახვედრა – ბიბლიოთეკის ყოფილი თანამშრომლის პირველი დღე სამსახურში
შემდეგი სტატიაარასასიამოვნო მიღება-დახვედრა – ბიბლიოთეკის ყოფილი თანამშრომლის პირველი დღე სამსახურში [Video]
ტელეკომპანია ოდიშის საინფორმაციო სამსახური