დეპუტატმა ლევან კობერიძემ საპარლამენტო უმრავლესობა დატოვა. აღნიშნულის შესახებ განცხადება მან მედიასთან რამდენიმე წუთის წინ გააკეთა.
კობერიძის თქმით, ის ამ ეტაპზე არ აპირებს არც ერთ პოლიტიკურ ჯგუფში გაწევრიანებას და დამოუკიდებელი დეპუტატის მანდატით გააგრძელებს საქმიანობას.
კობერიძის განცხადებით, უმრავლესობის დატოვების გადაწყვეტილების მიზეზი „საერთო სასამართლოების შესახებ“ კანონში შესატანი ის ცვლილებებია, რომელიც მმართველმა გუნდმა მოამზადა და რომელიც პარლამენტმა დღეს მესამე მოსმენით მიიღო.
ამასან დაკავშირებით ფრაქცია „ქართული ოცნების" თავმჯდომარემ, მამუკა მდინარაძემ ჟურნალისტებთან საუბრისას კომენტარი გააკეთა. .
„ლევანი ბოლო პერიოდის განმავლობაში მხოლოდ ფორმალურად ირიცხებოდა „ქართული ოცნების" რიგებში. აბსოლუტურად განსხვავებულ პოზიციაზე იდგა თვეების განმავლობაში. ეს არის პოლიტიკური თამაშის ნაწილი და გათვლილია პოლიტიკურ პიარზე. შეგახსენებთ, ბესელიამ და რამოდენიმე ადამიანმა ადრე დატოვეს ურავლესობა ამავე მიზნით. კობერიძესაც შეეძლო უფრო ადრე წასულიყო გუნდიდან. ლევანს ჰქონდა შანსი, რომ ფეხი აეწყო გუნდისთვის, თუმცა ეს არ გამოიყენა“, – განაცხადა მამუკა მდინარაძემ.