ქართული არმია დარტყმის ქვეშაა- ამის შესახებ გაერთიანებული ოპოზიციის მერობის კანდიდატმა ბრიფინგზე განაცხადა. სანდრა რულოვსის თქმით, ჯარისკაცების, უმეტესად კი მეთაურების პირად ინფორმაციას საქართველოს მთავრობა გასცემს. კანდიდატი აღნიშნულ ქმედებას ღალატად აფასებს. „დღევანდელი მთავრობა ერთი ხელით აჯილდოვებს ჯარისკაცებს, მეორე ხელით კი ქართული ჯარი არის დარტყმის ქვეშ, რადგან პირადი ინფორმაცია გადაიცემა ჩვენი მთავრობიდან ჯარისკაცების თაობაზე, რომ მერე სადამსჯელო ოპერაცია რუსეთის მხრიდან განხორციელდეს. ეს არის ღალატი. ჰააგის ტრიბუნალზე შეიძლება ჩვენი სამხედროები დაკითხონ. ისინი დამნაშავეები კი არა, ჩვენი გმირები არიან, ჩვენი პატრიოტები და ეს ნამდვილად დაუშვებელია. ჩვენ არ დავუშვებთ, რომ დამნაშავედ იყვნენ აღიარებულები“, – აღნიშნა სანდრა რულოვსმა. ის ასევე გამოეხმაურა ატოცში სამოქალაქო აქტივობის თემას და ღნიშნა, რომ რუსებმა ამის მერე უკან დაიხიეს და ბორდერიზაციის პროცესი შეწყდა.
სანდრა რულოვსმა ჯარისკაცებს ქართული ჯარის დღე მიულოცა და ომის ვეტერანებს სხვადასხვა ომში, მათ შორის, 2008 წლის აგვისტოს ომში გაწეული გმირობისთვის მადლობა გადაუხადა.