ინციდენტი სოფელ დარჩელში – „ქართული ოცნების“ მერობის კანდიდატის საარჩევნო შეხვედრაზე მცირე ინციდენტი მოხდა. ადგილობრივებთან გიორგი შენგელიას შეხვედრაზე მე-6 საჯარო სკოლის გარდაცვლილი დირექტორის ია კერზაიას შვილი ბაჩანა შენგელია მივიდა, რომელმაც მერობის კანდიდატს შეკითხვა დაუსვა, თუ რა პასუხისმგებლობას იღებს გიორგი შენგელია, როგორც მერობის კანდიდატი  ია კერზაიას გარდაცვალების საქმეზე. „ეს მოხდა სწორედ არჩევნების პერიოდში, დედაჩემი შეეწირა პოლიტიკურ ზეწოლას და თქვენ ერთხელაც არ გიხსენებიატ ია კერზაია. რა პასუხისმგებლობას იღებთ?“- უთხრა ბაჩანა შენგელიამ გიორგი შენგელიას. „ მე ძალიან დიდ გულისტკივილს გამოვთქვამ ამ ტრაგედიის გამო, ჩემი გუნდის მიზანია გამოიძიოს ეს საქმე. მე არ ვარ კომპეტენტური, თუმცა ვფიქრობ, რომ გამოძიება იქნება ობიექტური“- განაცხადა გიორგი შენგელიამ. ასევე ია კერზაიას შვილმა მიმართა „ქართული ოცნების“ შტაბის წარმომადგენელს ლაშა გვასალიას კითხვით, იყო თუ არა იმ ერთ-ერთ შეხვედრაზე, სადაც მან თქვა, რომ უნდა დაისაჯოს გამორჩეული სკოლის დირექტორი, რომ სხვებმა ისწავლონ ჭკუა, რასაც გვასალიას მხრიდან მოყვა პასუხი, რომ ბაჩანა შენგელიას იყენებდნენ და ეუბნებობდნენ არასწორ ინფორმაციას, რასაც  ბაჩანა შენგელიას მხრიდან გაღზიანება მოყვა და ვითარება სიტყვიერ დაპირისპირებაში გადაიზარდა, მან გვასალიას ამ სიტყვებით მიმართა.“მე მოვედი აქ რომ კითხვა დამესვა დედაჩემის ტრაგედიის გამო და თქვენ რას მმეუბნებით? რა გამოყენებაზე მელაპარაკებით?“-