28 აპრილს თბილისში ევროპის საბჭოს საპარლამენტო ასამბლეის პრეზიდენტი ლილიან მორი პასკიე ჩამოდის

0
457
საქართველოს, 28 აპრილს, ორდღიანი ოფიციალური ვიზიტით ევროპის საბჭოს საპარლამენტო ასამბლეის პრეზიდენტი ლილიან მორი პასკიე ეწვევა. მასთან ერთად თბილისში ჩამოდიან ევროსაბჭოს ოფისის ხელმძღვანელი კრისტიან ურსე და ასამბლეის პრეზიდენტის კაბინეტის უფროსის პირველი მოადგილე გრეტა ფაგიანი.
 
29 აპრილს ლილიან მორი პასკიე პარლამენტის თავმჯდომარეს, ირაკლი კობახიძეს შეხვდება, რის შემდეგაც პარლამენტში პრესისთვის ერთობლივი განცხადება გაკეთდება.
 
ლილიან მორი პასკიე წეროვანში იძულებით გადაადგილებულ პირთა დასახლებას მოინახულებს, საიდანაც სოფელ ოძისში ადმინისტრაციულ საზღვარზე გაემგზავრება.
 
ვიზიტის ფარგლებში ევროპის საბჭოს საპარლამენტო ასამბლეის პრეზიდენტი საქართველოს პრეზიდენტ სალომე ზურაბიშვილს და პრემიერ-მინისტრს მამუკა ბახტაძეს შეხვდება.
 
30 აპრილს ლილიან მორი პასკიე პარლამენტში, საქართველოს ევროსაბჭოში გაწევრიანების 20 წლის იუბილესადმი მიძღვნილ საზეიმო სხდომაზე სიტყვით გამოვა.
წინა სტატიამართლმადიდებელი სამყარო დღეს წმინდა ცეცხლის გადმოსვლას ელოდება
შემდეგი სტატიაჭითა მარქვალი, მჭითა მაქვალი, წითელი კვერცხი; ოთანუ, პასქალია, თანაფა – აღდგომა სამეგრელოსა და ლაზეთში
ტელეკომპანია ოდიშის საინფორმაციო სამსახური