უკრაინის მოქალაქე ქალი, რომელიც საქართველოში 10 ბავშვთან ერთად ჩამოვიდა ტრეფიკინგის ბრალდებით არის დაკავებული – ინფორმაციას დაკავებულის ადვოკატი ადასტურებს. ქალი თბილისში, წინასწარი დაკავების იზოლატორში იმყოფება. უფლებადამცველის ინფორმაციით, სამართალდამცველებმა ის ქუთაისში გვიან ღამით დააკავეს. ზურაბ თოდუა ამბობს, რომ მისი დაცვის ქვეშ მყოფი ქალი ბავშვებთან ერთად წასვლას თბილისში აპირებდა, საცხოვრებლად ბინა კი წყნეთში ჰქონდა ნაქირავები. უკრაინის მოქალაქე იულია სუსლიაკი ამტკიცებს, რომ ბავშვები მისი შვილები არიან და ამბობს, რომ აქვს დოკუმენტი, სადაც დაფიქსირებულია არასრულწლოვანი შვილის საზღვარგარეთ გაყვანის თანხმობა.ბაშვები 20 აპრილს ზუგდიდის რეფერალურ ჰოსპიტალში კვებითი ინტოქსიკაციის ნიშნებით  შეიყვანეს, სწორედ მაშინ გაჩნდა ეჭვი, რომ ბავშვები ტრეფიკინგის მსხვერპლი იყვნენ, რადგან 10-დან 4 ბავშბი 2017 წელსაა დაბადებული.