ექსპერტების შეფასებით, მარწყვზე ფასების საკმაოდ ნეგატიური დინამიკა შეიმჩნევა საქართველოში, სადაც მარწყვის ღირებულება 20%-ით შემცირდა და 1 კგ პროდუქტი საშუალოდ, 2, 97$ ღირს. ამასთან, საქართველოში ადგილობრივი და იმპორტირებული მარწყვის ფასები საკმაოდ განსხვავებული იყო. კერძოდ, მაღალი ხარისხის შიდა სასათბურე მარწვის ღირებულება 5,57 – 6,68 დოლარამდე მერყეობდა, ხოლო საბითუმო კომპანიების მიერ თურქეთიდან შემოტანილი პროდუქციის – 1,86 – 2,23 დოლარამდე
მარწყვის ფასები რეკორდულად დაცემას განაგრძობს მსოფლიო ბაზარზე . როგორც East fruit-ის კვირის მიმოხილვაშია აღნიშნული, ახალი პროდუქტის მთავარი მიმწოდებელი თურქეთია, ხოლო პრემიუმ სეგმენტში – ისრაელი.
ექსპერტების შეფასებით, მიუხედავად იმისა, რომ გასულ კვირას მარწყვის ფასი 22%-ით კიდევ შემცირდა, პროდუქტი ყველაზე ძვირი რუსეთშია. კერძოდ, 1კგ მარწყვის ღირებულება საშუალოდ 7,02 დოლარია. მას მოსდევს უკრაინა, სადაც პროდუქტის ღირებულება 10%-ით შემცირდა და 1 კგ მარწყვის ფასმა 3,35 დოლარი შეადგინა.
მარწყვის ფასების მკვეთრი დაცემა პრობლემებს შეუქმნის მარწყვის მწარმოებელ ფერმერებს, მართალია, მომხმარებლისთვის გარკვეულწილად გაიაფდება, მაგრამ არც ეს არის დიდად სანუგეშო, რომ ვიფიქროთ ,,მარწყვს მაინც შეჭამენ ი, ბავშვები'' (მურმან ლებანიძისა არ იყოს) , რადგან მარწყვი ბაზარზე კვლავ ძვირი რჩება. ქვეყანაში, სადაც გულის დასამაგრებლად 50 თეთრიან ფუნთუშას ნისიად ყიდულობენ ბავშვები და ორად იყოფენ, 3 დოლარი კგ მარწყვისთვის უმრავლესობისთვის ყოვლად მიუწვდომელია. მდელობზე თუ გავლენ დედები სოფლად მაინც.
