გაერთიანებული ოპოზიციის ზუგდიდის შტაბში მურთაზ ზოდელავამ ბრიფინგი გამართა.
მისი განცხადებით სამეგრელო-ზემო სვანეთის სახელმწიფო რწმუნებულის მოადგილე მალხაზ თორია, რომელიც შს მინისტრის მოადგილის ლევან კაკავას დავალებით მოქმედებს, საჯარო მოხელეებს ავალებს, სხვა მუნიციპალიტეტებში მცხოვრები ახლობლები და ნათესავები ზუგდიდში დაარეგისტრირონ.
ზოდელავას განცხადებით, ამ საქმეს კურირებს ზუგდიდის ბაგა-ბაღების გაერთიანების დირექტორის მოადგილე ელისო ჩემია , ვიდეო მტკიცებულებები ზოდელავამ ბრიფინგზე ჟურნალისტებსაც წარუდგინა
.მურთაზ ზოდელავა მოუწოდებს სახელმწიფო რწმუნებულს, გააკონტროლოს თავისი მოადგილეები, რადგან, მისი თქმით, მოადგილეები ასრულებენ შსს-ს ბრძანებებს. ზოდელევამ უკვე მიმართა ამ საკითხთან დაკავშირებით იუსტიციის სამინისტროს და მოუწოდა გააკონტორლონ ვითარება ზუგდიდის იუსტიციის სახლში.
გაერთიანებულ ოპოზიციას „ქართული ოცნების“ შტაბში უპასუხეს.
შტაბის წარმომადგენლის ლაშა გვასალია თქმით, ,,გავრცელებული ინფორმაცია არის აბსურდი.“ ისინი ვერცერთ მოქალაქეს ვერ შეუზღუდავენ საცხოვრებელი სახლის რეგისტრაციის შეცვლის უფლებას. „- განაცხადა გვასალიამ. მისივე თქმით, არასამთავრებო ორგანიზაციის კვლევებით გიორგი შენგელიას ზუგდიდის მუნიციპალიტეტის მოსახლეობის 65% უჭერს მხარს .