იტალიის დედაქალაქ რომში, ავტობუსში, მაროკოელმა საქართველოს მოქალაქე ცივი იარაღით დაჭრა. ამის შესახებ ინფორმაციას იტალიური გამოცემა Roma Today ავრცელებს.
არსებული ინფორმაციით, მაროკოელსა და საქართველოს მოქალაქეს შორის დაპირისპირება სამგზავრო ავტობუსში მოხდა, რის შემდეგაც მაროკოელმა მას ყელის არეში დანით ჭრილობა მიაყენა.
ყელში დაჭრილმა მამაკაცმა მოედანზე მდგარ პოლიციას მომხდარის შესახებ აცნობა.
პოლიციელებმა მაროკოს მოქალაქე დააკავეს. რაც შეეხება საქართველოს მოქალაქეს, ის საავადმყოფოში გადაიყვანეს. ამ დროისათვის იგი საავადმყოფოდან სახლშია გაწერილი და მის სიცოცხლეს საფრთხე არ ემუქრება
იტალიური მედიის ცნობით, ინცინდენტში მონაწილეები არ იცნობდნენ ერთმანეთს. და ორივე ალკოჰოლის ზემოქმედების ქვეშ იმყოფებოდა.
საქართველოს საგარეო საქმეთა სამინისტროში აცხადებენ, რომ ,,ოფიციალური შეტყობინება ჩვენს წარმომადგენლობაშიარ იყო შემოსულა, მაგრამ მიუხედავად ამისა , კონსულს ჰქონდა კომუნიკაცია სამართალდამცავებთან და მათ უთხრეს, რომ ამ ადამიანმა ისურვა დარჩენილიყო კონფიდენციალურად ანუ არ მოისურვა მის შესახებ რაიმე ინფორმაციის გაცემა"