რომში, ავტობუსში საქართველოს მოქალაქე დაჭრეს. ამის შესახებ ინფორმაციას იტალიური მედია ავრცელებს.
იტალიური მედიის ცნობით, ორი მამაკაცი ერთმანეთს 64 ნომერ სამგზავრო ავტობუსში დაუპირისპირდა. ერთ-ერთი მათგანი მაროკოელი იყო, რომელმაც 44 წლის საქართველოს მოქალაქე ყელის არეში დაჭრა.
დაჭრილი საავადმყოფოში ავტობუსის მძღოლმა გადაიყვანა.
ამ დროისთვის საქართველოს მოქალაქეს ჯანმრთელობას საფრთხე არ ემუქრება, თუმცა ის ამ დრომდე ჰოსპიტალში რჩება . დამნაშავე მამაკაცი პოლიციელებმა დააკავეს.
მას განზრახ მკვლელობის მცდელობის მუხლით წაუყენეს ბრალი. ამოღებულია ცივი იარაღი. გამოძიებამ დაადგინა, რომ ჩხუბის მონაწილეები მანამდე ერთმანეთს არ იცნობდნენ. დაპირისპირების დროს ორივე ალკოჰოლის ზემოქმედების ქვეშ იყო.